Зонхилон тохиолдох хавдрын өвчлөл

Дэлхийн эрүүл мэндийн байгууллагын судалгаагаар 2022 онд 19,9 сая хүн хорт хавдраар өвдөж, 9,7 сая хавдраaс шалтгаалж нас барсан байна. Монгол улсад 2022 онд 6885 хүн хавдраар оношлогдсон нь 2021 оноос 904 тохиолдлоор их байгаа бөгөөд жил ирэх тусам хавдрын өвчлөл нэмэгдэж байна.

2022 оны судалгаагаар дараах хавдрууд нь зонхилон тохиолдсон байна.

1. Элэгний хорт хавдрын 2286 тохиолдол
2. Ходоодны хорт хавдрын 1181 тохиолдол
3. Уушгины хорт хавдрын 521 тохиолдол
4. Улаан хоолойн хавдрын 342 тохиолдол
5. Умайн хүзүүн хорт хавдрын 318 тохиолдол

Зонхилон тохиолдож буй хавдарт өртсөн дундаж нас 51-69 байгаа боловч нийт хавдрын 67,7 хувь хожуу үе шатанд оношлогдсон байна. Энэ нь хорт хавдрын шалтгаант нас баралтыг нэмэгдүүлж байгаа юм.

Иймд урьдчилан сэргийлэх үзлэгт хамрагдаж хэвшээрэй. Бидний ирээдүй, бидний гарт. Чанартай оношилгоо хийлгэж, хавдраас өөрийгөө хамгаалаарай.